[东方报]英超：撻着副偈快攻搶分 阿仙奴半大拉唔住[08-31]

嚟到今輪英超壓軸大戰，阿士東維拉主場迎戰阿仙奴。維拉陣容大執位，相信季初都會有啲餘震，未執好就要對狀態操起晒嘅阿仙奴，預計都幾難搞。阿仙奴已經盡顯衞冕霸氣，連同熱身賽及社區盾，「兵工廠」近6仗半場全開2球或以上，1.5球半場大值得再追。（Now 621及611周二凌晨3時直播）

阿士東維拉喺英超首戰就慘吞白禮頓4蛋，值得留意嘅係，雖然新加盟嘅中場祖高美斯被逐，但佢領紅牌之前，維拉已經喺開波31分內失咗4粒，失波同踢少一個無關，即係話維拉條後防線真係幾唔掂。

維拉防線問題未解決
維拉夏天被列強煎皮拆骨，泰利文斯及摩根羅渣士等主力被賣走，中堅安斯干沙亦轉投今場對手阿仙奴，仲有奧尼屈堅斯嗌走，世盃亞軍門將達美安馬天尼斯亦已他投，領隊艾美利上場鬥白禮頓有一半主力唔係上季正選。雖然維拉已成功收購尼高拉斯積遜，並且有機會今場上陣，但後防問題仍然未解決。

達Sir帶兵第250場英超
阿仙奴開咧戰清風送爽贏高雲地利3比0，夏維斯、布卡約沙卡及馬田奧迪加特各建一功，而且全場攻勢可以話係水銀瀉地，球隊明顯已經完全進入狀態，今場仲要係阿迪達喺「兵工廠」第250場英超，加上球隊抖超過1個星期，體力十足下無理由唔趁維拉有事踩多一腳，全取3分緊貼番競爭對手曼城。事實上，連同熱身賽及社區盾，「兵工廠」近6仗半場全開2球或以上，一開波就攻，半場大值捧。