[东方报]英冠：次回合唔敢亂谷 修咸頓米堡半和好路[05-12]

英冠升班附加賽4強次回合，修咸頓返主場再戰米杜士堡。首回合踢成0比0，今場變成一場過淘汰賽，相信雙方會踢得更加謹慎，修咸頓習慣謀定後動，近5場4次開半場和；客軍米杜士堡近4次作客，亦有3次開半場和，加上雙方近3次交手，全部開半場和，今場半場和高唱入雲。（無綫myTV Super周三凌晨3時直播）

首回合窿窿冇高低博埋全和
兩隊實力相差唔遠，修咸頓喺聯賽排第3，米杜士堡排第4，近4次交手有3次打和，今場賽事關乎升班，更加唔敢輕舉妄動，所以首回合踢成「窿窿」非常合理，預計今場上半場都會係拉鋸戰，難有交收。

睇番雙方今場人腳，兩隊攻力唔算出色，但防線就相當硬淨，修咸頓有兩舊「大木頭」鎮守後防，佢哋就係雙中堅夏活比利斯同尼敦活特，喺今屆足總盃就係佢兩個頂住阿仙奴狂攻，爆冷贏波；至於米杜士堡嘅3中堅達奧費利、艾寧同艾迪臣馬蘭達組合，更係英冠失球並列第2少防線。所以今場捧半場和之餘，不妨玩埋全場和。