[东方报]歐國聯：法國極速鋒線搶半Ｗ[09-25]

同日另一場A1組賽事，土耳其主場迎戰法國。施丹正式執教「高盧雄雞」嘅首戰可謂萬眾期待，預料佢將之前喺皇家馬德里嘅「冠軍方程式」用喺法國隊上，利用基利安麥巴比、奧士文尼迪比利及米高奧利斯，高速衝散土耳其防線，半場客勝玩得過。（周六凌晨2時45分開賽）

施丹從做咗14年嘅迪甘斯手上接過領隊一職，預料法國整體風格會由務實變成華麗。施丹喺皇馬時代，喜歡用「433」陣式，先控制比賽節奏，再利用球星個人能力，或高速插入打穿對方防線，相信現時法國隊陣中，麥巴比、迪比利及奧利斯可以滿足到佢要求。施丹喺之前嘅記者會表明，自己傾向將麥巴比放喺最佳位置左路，有知人善用之感。

土耳其早段易失波
土耳其喺世盃表現令人失望，連輸兩場後，第3場分組賽擊敗已取得出線資格嘅美國，只屬人棄我取，亦成功保住主帥蒙迪拿嘅飯碗。不過土耳其今場有幾名主力因傷缺陣，包括基倫耶迪斯、查漢奴古及梅迪穆度亞，冇咗後兩者頂住中後場都幾大鑊，而且土耳其近4場賽事，全部喺頭30分鐘已經失波，攻力強勁嘅法國絕對有力半場就搞掂對手，推介半場客勝。