[东方报]西甲：重組成功信心爆棚 皇馬搶攻半W有揸拿[08-19]

夏季重新組裝嘅「銀河艦隊」皇家馬德里，周三凌晨開咧主場迎擊奧沙辛拿，新任主帥沙比阿朗素勢全力爭響頭炮。皇馬經過世冠盃磨合，球員已熟習新戰術，今場決心爆棚，強陣搶攻有望早奠勝局，半場主勝博得過。（Now 632周三凌晨3時直播）

沙比阿朗素為「銀河艦隊」引入逼搶同主攻踢法，基利安麥巴比、雲尼斯奧斯祖利亞及艾達古拿等攻擊球員如魚得水，雖然上月世冠盃喺4強出局，但新兵得到磨合機會，總算練兵成功，加上季前操練，整體演出有望更上層樓。

奧沙辛拿熱身賽表現曳
奧沙辛拿上季排中游，不過夏天轉會失多於得，柏保路伊賓尼斯、魯賓彭拿及阿利素等主力離隊，帥印亦由意大利教頭利薛斯接任，整體實力不及上季，6場季前熱身賽亦只贏過1場，新球季難予人信心。

皇馬主場出擊志在必得，今場質素上凌駕對手，球員必定放手搶攻，有望早開紀錄。翻查數據，皇馬近5次對奧沙辛拿，全部順利半場領先，今場直取半場主勝。