[东方报]世界盃：佛得角首戰世盃西班牙半大快打旋風[06-15]

奪標大熱西班牙登場，世盃H組首輪對新丁佛得角。「狂牛兵團」挾連續30場不敗強勢而臨，就算王牌拉明耶馬唔出得，都會快打旋風，務求盡快KO佛得角，不過半場主勝太熱冇肉食，轉捧1.5球半場大更上算。（Now 688、618及616周二凌晨零時直播）

應屆歐國盃盟主西班牙，近年興速戰速決，經常於初段殺對手一個措手不及。雖然兩大魔翼拉明耶馬同尼高拉斯威廉斯缺陣，但殺雞焉用牛刀，出耶利米賓奴、阿歷斯巴爾拿都夠做，加上前鋒奧耶沙巴爾腳風奇順，睇番佢哋近6場有5次半場開2球或以上，今仗定必先發制人。

佛得角隨時鬥攻
另邊廂，非洲球隊、大西洋島國佛得角首度進身決賽周，C朗嫲嫲係佛得角人，因此佛得角亦係佢第二家鄉；至於球隊由海外兵團組成，喺世盃外力壓喀麥隆出線，唔係咁簡單，只係大賽經驗不足，佢哋攻力唔差，鬥攻之下，半場大有計。