[东方报]法甲：馬賽雙箭雷霆萬鈞[08-15]

至於法甲開咧戰，由雷恩主場鬥馬賽。馬賽係除咗擂台躉巴黎聖日耳門之外，今季法甲最有睇頭球隊，前曼聯射手格連活特喺馬賽重生，今夏更有奧巴美揚重投，攻力大增，加上佢哋近5次聯賽鬥雷恩贏4次，客勝必捧。（周六凌晨2時45分開賽）

雷恩前季跌出前4，上季跌到12名完成聯賽，同歐洲賽區域相差10分以上。今季雷恩喺轉會市場暫時未有太大動作，而球隊熱身賽成績亦非常不濟，6場僅贏得1場，球隊似乎仲未上力。

奧巴美揚拍綠木有睇頭
馬賽上季成為聯賽亞軍，「綠木」格連活特射入21球，同ＰＳＧ嘅奧士文尼迪比利並列神射手，呢名英格蘭前鋒「脫魔」後重生，而且佢今季仲多咗個好拍檔，就係由中東返番歐洲賽場嘅奧巴美揚。呢位36歲前鋒喺23/24年球季，曾經為馬賽上陣51場入30球，場上經驗豐富有望幫到球隊。再者，兩隊近5次聯賽交手，馬賽贏4次，加上佢哋近5季開鑼戰都贏波，客勝值得捧場。