[东方报]歐冠：費倫巴治絕地大反擊[08-12]

主場博翻身強攻飛燕諾
歐聯外圍賽第3圈次回合大戰，土超勁旅費倫巴治主場大戰荷甲嘅飛燕諾。首回合費倫巴治補時失守慘輸1比2，今仗返「地獄主場」必定全力進攻。飛燕諾自從尹佩斯執教後，踢法仍然都係重攻輕守，今場會繼續以攻為守，駁火味濃，3.5球入球大要捧。（周三凌晨1時開賽）

費倫巴治喺摩連奴領軍下，踢歐洲賽自信十足，首回合作客雖然喺最後一刻失波落後，但整體表現唔失禮，而且今場返主場出戰，為收復失地肯定搏命進攻，而且新加盟前鋒祖漢杜蘭，上場首次後備上陣，今仗有望擔正衝刺，令球隊火力進一步提升。

傷兵成籮以攻代守
飛燕諾喺上屆歐聯殺入16強，已充分顯示出超強火力，佢哋對住拜仁慕尼黑、曼城等豪門都能夠攻入3球，近6場歐洲賽作客，有4次總入球開4球或以上，最後被國際米蘭4比1淘汰實屬技不如人，但勇於進攻嘅踢法就贏得唔少掌聲。

飛燕諾依家由尹佩斯領軍，踢法亦都貫徹進攻，尤其佢哋依家防線傷兵滿營，查奧拿、泰桑古同沙馬士比倫等全部傷晒，絕對冇本錢靠死守保住領先優勢，今場多數會同費倫巴治鬥攻，3.5球入球大有計。